Три лица се убиени во немирите во Париз: Се огласи и Макрон

Три лица се убиени, а четири ранети кога 69-годишен маж отвори оган на пешаци во близина на Курдскиот културен центар во центарот на Париз. Напаѓачот веднаш е уапсен, и познат на полицијата затоа што пред една година нападна мигрантски камп.

Трите лица кои се убиени, се членови на курдската заедница во Франција, јавуваат француските медиуми.

Ројтерс пренесува дека во пукањето се ранети четири лица, од кои две во критична состојба.

Според изјавите на сведоците, во моментот на нападот се слушнале осум истрели, и потоа настанал хаос.

Се огласи и претседателот Емануел Макрон кој кажа дека француските Курди денеска биле мета на напад во срцето на Париз.

„Нашите мисли се со жртвите, луѓето кои се борат за живот, нивните семејства и саканите“, напиша Макрон на „Твитер“.

Share on Facebook

Tweet

Follow us

Save