Турција купува 20 борбени авиони „Еурофајтер Тајфун“ од Велика Британија

Британскиот премиер Кир Стармер и турскиот претседател Реџеп Таип Ердоган денес во Анкара потпишаа договор според кој Турција ќе купи 20 борбени авиони „Еурофајтер Тајфун“ од Велика Британија.
Вредноста на оваа аквизиција е осум милијарди британски фунти, што одговара на 10,7 милијарди долари, објави Ројтерс.
Турскиот претседател изјави дека неговата земја е решена да ги зајакне економските односи со Обединетото Кралство и да го зголеми обемот на трговијата со него на 30 милијарди долари првично, а потоа на 40 милијарди долари.
„Имплементациските прописи во врска со купувањето на борбените авиони „Еурофајтер Тајфун“ беа потпишани за време на меѓуделегациските состаноци. Верувам дека оваа соработка со Обединетото Кралство ќе отвори и врата за заеднички проекти во одбранбената индустрија. „Го гледам овој договор како нов знак за стратешкиот однос меѓу нас како двајца блиски сојузници“, рече Ердоган, според Агенција Анадолија.

Стармер, како што го цитираше турската новинска агенција, рече дека договорот за борбените авиони „Еурофајтер“ со Турција ќе ја продлабочи и зајакне безбедноста во НАТО, како и ќе ја зголеми билатералната соработка во одбранбената индустрија.

Во јули, Турција и Обединетото Кралство потпишаа прелиминарен договор за купување на 40 авиони „Тајфун“, кој беше одобрен од членовите на конзорциумот „Еурофајтер“, вклучувајќи ги Германија, Италија и Шпанија.

Share on Facebook

Tweet

Follow us

Save