Туск предупредува на провокации од Русија врз земја-членка на НАТО: Следните шест месеци се одлучувачки, мораме да бидеме подготвени на различни сценарија

Премиерот на Полска, Доналд Туск по разговорот со генералниот секретар на НАТО, Марк Руте, преку социјалната мрежа Х соопшти дека не може да се исклучи провокации од Русија против една од членките на НАТО.

„Марк Руте штотуку ја сподели со мене својата проценка за ситуацијата во регионот и на украинско-рускиот фронт. Како што предупредував, ескалацијата од руска страна напредува. На Украина ѝ е потребна поголема воздушна поддршка, што е исто така клучно за нашата безбедност. Ова е задача за цела Европа. Следните шест месеци ќе бидат одлучувачки и ние мора да бидеме подготвени како Полска и НАТО за различни сценарија. Не можеме да исклучиме провокации од Русија против една од членките на НАТО“, напиша Туск на Х.

Share on Facebook

Tweet

Follow us

Save