Уапсени над сто лица во Иран осомничени за труење на девојчиња во училиштата
Во Иран се уапсени над сто лица, поврзани со случаите на труење на ученички во земјата, соопштија од иранското Министерство за внатрешни работи.
Осомничените се идентификувани, уапсени и се под истрага во неколку ирански градови, вклучително и Техеран, јавува иранската државна агенција ИРНА.
Многумина од обвинетите користеле безопасни материи со интензивен мирис со намера да ги затворат училниците, се вели во соопштението.
Иранското министерство додаде дека меѓу уапсените има и лица кои имале „непријателски намери и се обидувале да шират страв и ужас меѓу народот и студентите, како и да создадат песимизам кон Владата на Иран“.
Иранскиот врховен лидер, Али Хамнеи ги нарече претходните труења на ученички како „непростливо злосторство“ и повика виновниците да бидат „строго казнети“.
Повеќе од 2.400 ирански ученички се разболеле од ноември по труење во училиштата.
Некои политичари ги обвинија верските групи кои се противат на образованието на девојчињата за труењето.
ПОВРЗАНИ ВЕСТИ
Израел да се повлече од Либан, а…
Иранската револуционерна гарда денеска соопшти дека војната…
МААЕ ќе го пријави Иран во Советот…
Одборот на гувернери на Меѓународната агенција за…
Нетанјаху: Иранскиот режим е на пат да…
Израелскиот премиер Бенјамин Нетанјаху денеска, за време…
Децата најчесто се трујат со лекови, средствата…
Вкупно 16 деца со пријавени труења годинава…
Иран напаѓа американски бази во четири земји…
Иран ги прошири своите одмазднички напади врз…