Уапсен претседателот на Олимпискиот комитет на Полска

Претседателот на Полскиот олимписки комитет, Радослав Пиесјевич, е уапсен под сомнение за корупција, изјави денеска неименуван извор во полското судство.

Пиесјевич е осомничен за примање поткуп при потпишување договори за спонзорство, а истражителите тврдат дека плаќањата биле извршени преку платформата за дигитална валута ZondaCrypto, која полската влада ја поврза со националистички опозициски групи, организиран криминал и руски тајни служби.

„Такво лице не треба да биде претседател на Полскиот олимписки комитет“, изјави полскиот министер за спорт и туризам Јакуб Рутницки на социјалните мрежи, додавајќи оти Пиесјевич „го посрамотил полското олимписко движење и го искористил добриот углед на полските спортисти“.

Истрагата ја води регионалниот оддел во Шлеска за борба против организираниот криминал и корупцијата.

Share on Facebook

Tweet

Follow us

Save