Убиецот од Словачка бил најдобар ученик во гимназијата

Според словачките медиуми, ученикот Самуел (18) кој денеска уби двајца луѓе, а тешко рани уште двајца во гимназијата во Спишка Стара Веса во Словачка, бил награден како најдобар ученик на училиштето.

– Успеа да постигне неколку успеси на регионални и реонски студентски натпревари. Беше успешен на Европските олимписки игри за млади – вели изворот.

Самуел гимназијата ја претставувал и како спортист. За своето училиште играл мал фудбал и кошарка.

Според информациите на словачките медиуми, напаѓачот денеска требало комисиски да полага испити. Медиумите објавија дека тој наводно во минатото се заканувал со напади врз соучениците.

Жртвите се 52-годишниот заменик-директор на гимназијата и еден ученик, кои им подлегнале на повредите во нападот. Ранети се уште двајца ученици, од кои едниот е во критична состојба.

Share on Facebook

Tweet

Follow us

Save