Украина и САД бараат начин за оживување на дипломатските преговори со Русија

Украинскиот претседател Володимир Зеленски соопшти дека разговарал со американските претставници Стив Виткоф и Џаред Кушнер за можностите за „ревитализација на дипломатијата“ и изнаоѓање решение за завршување на војната со Русија.

Зеленски по средбата оцени дека разговорот бил „плоден и важен“, нагласувајќи дека Украина е подготвена за постигнување мир, но дека тој мора да биде, како што наведе, достоинствен.

„Потребен е мир, достоинствен мир, а Украина е подготвена за тоа долго време“, напиша украинскиот претседател на социјалната мрежа „Икс“.

Во меѓувреме, рускиот претседател Владимир Путин кон крајот на јуни изјави дека Москва очекува пристигнување на американски претставници со цел продолжување на преговорите, повеќе од четири години по почетокот на војната.

Обидите на САД да посредуваат меѓу Киев и Москва во изминатиот период се соочуваат со застој, особено поради променетите меѓународни приоритети и кризите на други глобални жаришта.

Досегашните преговори меѓу двете страни не доведоа до договор за прекин на огнот. Украина и нејзините европски партнери бараат запирање на борбите, додека Русија инсистира прво да се создадат услови за поширок мировен договор.

Најголемата пречка останува прашањето за териториите. Москва бара повлекување на украинските сили од делови на источниот Донбас, што Киев категорично го отфрла.

Последните случувања во украинскиот воен врв дополнително ја зголемија политичката неизвесност, откако Зеленски направи промени во највисокото воено раководство, вклучително и разрешување на командантот на армијата Олександр Сирски.

Share on Facebook

Tweet

Follow us

Save