Украински офицер уапсен за шпионажа – ѝ давал информации на Русија за авионите Ф-16 и „Мираж 2000“

Безбедносната служба на Украина (СБУ) соопшти дека е уапсен авијациски офицер, мајор и инструктор по летање, под сомнение за шпионажа во корист на Русија.

Според СБУ, тој ѝ предавал на руската страна доверливи информации за локациите на борбените авиони Ф-16, „Мираж 2000“ и Су-24, како и податоци за персоналот и борбените тактики на украинските воздухопловни сили.

Офицерот наводно дал координати на аеродромите каде што се стационирани авионите и предложил можни тактики за напади.

„Приоритетна цел на непријателот се аеродромите со авионите Ф-16, ‘Мираж 2000’ и Су-24“, соопшти СБУ, пренесе Ројтерс.

Истрагата е во тек, а офицерот се соочува со сериозни обвиненија за оддавање воена тајна и загрозување на националната безбедност.

Share on Facebook

Tweet

Follow us

Save