Унгарискиот парламент изгласа разрешување на претседателот, ќе нема ниту вечни пратеници

Унгарскиот парламент гласаше за уставен амандман што овозможува разрешување на претседателот на Унгарија и на претседателот на Уставниот суд, објавија унгарските медиуми.

Вечерва унгарскиот парламент го усвои 17-тиот уставен амандман за измена на Уставот на Унгарија. Овој амандман, кој беше поднесен пред три недели од премиерот Петер Маѓар под името „Операција Чистилиште“, се однесува на разрешување на Тамаш Шујок од функцијата претседател на Унгарија, разрешување на претседателот на Уставниот суд, Петер Полт, и на тројца други уставни судии.

Уставниот амандман, меѓу другото, го ограничува и мандатот на пратениците на 12 години (односно три мандати), што значи дека ниту претседателот на Фидес, поранешниот премиер Виктор Орбан, ниту повеќето од сегашните пратеници на опозицијата нема да можат да бидат избрани во парламентот.

Пратеничките групи на Фидес и КДНП ја бојкотираа денешната парламентарна седница и гласањето за уставниот амандман. Во знак на протест, Гергеј Гујас поднесе оставка од функцијата шеф на парламентарната група на Фидес. Десничарската опозициска парламентарна партија „Наша татковина“ (Mi Hazánk) се воздржа од гласање за уставниот амандман.

Share on Facebook

Tweet

Follow us

Save