Унгарија ѝ обезбеди гориво на Австрија

По механичкиот инцидент во рафинеријата Schwechat OMV во близина на Виена, кој ја оштети главната фабрика за дестилација на сурова нафта, Унгарија ги стави на располагање своите резерви на гориво за да обезбеди снабдување за соседна Австрија.

Поради инцидентот, ОМВ мораше да го одложи рестартирањето на рафинеријата Швехат, која беше во поправка од 19 април, што укажуваше на проблеми со снабдувањето.

Прво, австриската влада ги ослободи своите стратешки резерви на гориво за да обезбеди снабдување во Австрија.

ОМВ потоа го засили производството во своите други рафинерии, како Бургаузен во јужна Германија и Петробрази во Романија, кои привремено ќе доставуваат поголеми количини гориво на австрискиот пазар.

Засега е неизвесно колку ќе траат поправките во Швехат.

Поради можни проблеми со снабдувањето со керозин, аеродромот во Виена апелираше до сите авиокомпании кои слетуваат во Виена да не точат керозин, туку тоа да го прават на други дестинации.

Share on Facebook

Tweet

Follow us

Save