Урнебесно – Ковачевски: Ги одмрзнавме цените, граѓаните се жалат не можат да ги потрошат зголемените плати

Огромните суми што граѓаните ги заштедија додека цените беа замрзнати, во комбинација со галопирачкиот раст на просечната плата, стабилната економија и постојаните инвестиции од странски џиновски компании, според премиерот Ковачевски создале услови Владата да ги одмрзне цените на нафтата и основните прехранбени производи и со тоа да им помогне да се ослободат од насобраните пари, пишува Кооперација во нов сатиричен текст.

– Месециве наназад, многу мои блиски, а и не толку блиски соработници, роднини и пријатели ми се пожалија дека откако станав премиер и ги замрзнав цените, не можат да потрошат ни третина од платата. И тоа кога ќе се насобере, не е мала сума. Па треба да мислиш што ќе ѝ правиш, каде ќе ја чуваш, што ако ти ја најдат од УЈП…само стресови да ти прави. И токму затоа, најмногу за вашето ментално здравје, решивме да создадеме услови во кои нема да ви остане ни денар од платата. – изјави премиерот Ковачевски за медиумите.

На пресот беа присутни и неколку десетици обични членови на владејачката СДСМ, кои иако, како што ни рекоа – не се конкретно запознаени со феноменот „останата плата од минатиот месец“, сметаат дека одмрзнувањето на цените е логичен чекор, посебно за време на летните горештини.

Share on Facebook

Tweet

Follow us

Save