Уставниот суд на Албанија ја суспендираше ратификацијата на договорот со Италија за прифаќање на 36.000 мигранти

Уставниот суд на Албанија денеска соопшти дека ќе ги разгледува жалбите на пратениците од опозицијата за договорот потпишан со Италија, кој подразбира дека Албанија ќе прифати до 36.000 мигранти и бегалци.
Со тоа ратификацијата на договорот што беше планирана за утре во албанскиот парламент е прекината, јавуваат албанските медиуми.

Два одделни жалби беа поднесени од Демократската партија на Албанија и 28 пратеници кои го поддржуваат поранешниот премиер на десниот центар Сали Бериша.
Во жалбите се тврди дека договорот ги прекршува Уставот и меѓународните конвенции до кои се придржува Албанија.
На 7 ноември, Албанија и Италија потпишаа Меморандум за разбирање, со кој се повикува Рим да формира центри за управување со мигранти во Албанија, како мерка за запирање на нивниот зголемен прилив.

Share on Facebook

Tweet

Follow us

Save