Уште една членка на ЕУ ги укина Ковид сертификатите

t

Литванија ја суспендираше употребата на сертификати за ковид, иако земјата има висока стапка на инфекција.

Од денеска нема да треба да се покажува потврда за влез во ресторани, продавници, театри, кина, музеи и слично, пишува агенцијата ДПА.

Истовремено, укината е и обврската на вработените во одредени занимања – вклучително и здравствениот и образовниот сектор – редовно да се тестираат.

Останатите мерки остануваат валидни во рестораните и на јавните настани. Маските и социјалното растојание се уште се задолжителни.

Литванското Министерство за здравство наведува дека сертификатите за ковид одиграле важна улога во борбата против пандемијата.

Сепак, со ширењето на позаразната варијанта омикрон, ризикот од инфекција постои и за вакцинираните и за оние кои биле заразени, што значи дека ефективноста на потврдата за ковид е значително намалена, велат од Министерството.

Владата не ја отфрли можноста за повторно воведување на сертификати за коронавирус доколку тоа го бара ситуацијата, пишува Јутарњи лист.

Литванија го воведе дигиталниот сертификат во мај 2021 година и оттогаш повеќе од 2 милиони луѓе го презедоа сертификатот.

Во Литванија, како и во многу други земји, зголемен е бројот на заразени со омикрон.
Во земја со речиси 3 милиони жители, од почетокот на пандемијата се регистрирани повеќе од 740 илјади случаи на зарази и 7.900 смртни случаи.

ПОВРЗАНИ ВЕСТИ

Украинскиот парламент го одобри клучниот закон за…

Пратеникот Јарослав Железниак на Телеграм објави дека…

Орбан: ЕУ не треба да почне преговори…

Унгарскиот премиер Виктор Орбан изјави дека Брисел…

Орбан: Ќе стоиме со Србија ако ЕУ…

Унгарскиот премиер Виктор Орбан денеска изјави дека…

Орбан посеа паника во Европа?

Една недела пред состанокот на Европскиот совет…

Лајчак: ЕУ е подготвена за проширување

Специјалниот претставник на Европската унија за дијалогот…