„Фајненшл Тајмс“: Банкрот на Твитер, крах на Трамп, рекордни температури – Предвидување за 2024 година

„Фајненшл тајмс“ ги објави предвидувањата за следната година. Весникот потсетува дека од 20 претпоставки од претходната година, само три не се оствариле. Новинарските прогнози се однесуваат на политичките, економските и деловните процеси, како и климата.

– Доналд Трамп нема повторно да стане претседател на САД. Меѓутоа, ако успее да ги надмине правните пречки против неговата кандидатура во Колорадо и Мејн, тоа ќе биде „многу тешка трка“. Актуелниот американски претседател Џозеф Бајден ќе победи на изборите. Во исто време, Трамп ќе биде осуден во најмалку едно од четирите судења пред гласањето и тоа ќе го прикаже како политички прогон од страна на криминалното семејство Бајден.

САД и ЕУ ќе продолжат да ја финансираат Украина и покрај проблемите околу договорот за помош на крајот на годината. Ако Трамп навистина се врати на функцијата претседател на САД, тоа ќе стане проблем за поддршката во Киев, забележува весникот. Сепак, дури и со поддршка од Западот, „На Украина веројатно ќе продолжи да и е тешко да постигне воен успех и ќе се соочи со зголемен притисок да преговара со Москва“. Руската страна ја осудува воената помош за Киев и смета дека тоа нема да го промени исходот од конфликтот, туку само ќе го продолжи.
– Војната меѓу Израел и групата Хамас нема да доведе до сеопфатен конфликт на Блискиот Исток, и покрај ескалацијата на конфликтот меѓу израелските сили и либанското движење Хезболах. Ситуацијата е „загрижувачки нестабилна“, но тој се надева дека дипломатскиот притисок ќе го задржи бидејќи ниту Вашингтон ниту Техеран не сакаат поширок регионален конфликт, дури и ако борбите меѓу Хезболах и Израел се интензивираат, пишува ФТ.

Промената на претседателот во Тајван нема да доведе до напад на Кина, за што се стравува поради можната победа на кандидатот на владејачката Демократска напредна партија, Лаи Чинг-де, кој зазеде поостар став од актуелниот шеф на држава, Цаи Инг-вен.

Компанијата Икс (поранешен Твитер) ќе банкротира во 2024. Иако Илон Маск ги користеше предупредувањата за банкрот како мотивација, како што тоа го направи со Tesla и SpaceX, овојпат ситуацијата не е во негова корист. Огласувачите го напуштаат X, а напорите да се најдат нови извори на приходи пропаѓаат. Во исто време, Маск може да биде „доволно несовесен“ за да мисли дека може да го преживее банкрот и сепак да биде на врвот, забележуваат новинарите.

Следната година ќе биде најтопла досега.

Share on Facebook

Tweet

Follow us

Save