Фидан: Турција би учествувала во операциите за расчистување на мини во Ормуската Теснина

Турскиот министер за надворешни работи Хакан Фидан изјави дека неговата земја би можела да учествува во операциите за расчистување на мини во Ормуската Теснина откако ќе се постигне мировен договор меѓу САД и Иран, објави „Туркие Тудеј“.

Во разговор со новинарите за време на официјалната посета на Обединетото Кралство, Фидан рече дека сите активности за расчистување на мини ќе ги спроведува мултинационален технички тим.

– Коалиција ќе оди таму и ќе ја изврши техничката работа и ќе ги исчисти мините. Нема проблем со тоа. Нашето Министерство за национална одбрана доби инструкции од нашиот претседател (Реџеп Таип Ердоган), рече турскиот министер за надворешни работи.

Сепак, тој појасни дека Анкара би зазела поинаков став доколку таквите операции се сметаат за заземање страна во евентуално обновување на конфликтот.

– Доколку се појави ситуација во која сме перцепирани како учесници во нов конфликт, нашиот став би бил поинаков, рече Фидан.

Share on Facebook

Tweet

Follow us

Save