Филипче со новогодишна честитка: 2026 да биде година на надеж, промени и правда

Претседателот на СДСМ, Венко Филипче, упати новогодишна честитка до граѓаните, посакувајќи им добро здравје, среќа и радост во 2026 година.

„Нека оваа 2026 година биде подобра година за секое семејство, за секој човек и за Македонија. Нека донесе нова надеж за промени и за подобра иднина, ослободена од криминалната група на власт“, порача Филипче.

Тој истакна дека СДСМ ќе продолжи со борбата за правда, подобар живот за граѓаните и јасна европска перспектива за државата.

„Заедно, обединети околу вредностите на социјалдемократијата, со нова сила и енергија ја продолжуваме борбата за правда, за подобар живот на граѓаните и за јасна европска перспектива“, нагласи претседателот на СДСМ.

Share on Facebook

Tweet

Follow us

Save