INFOMAX.MK

Европската фудбалска унија (УЕФА) го премести финалето на овогодинешната Лига на шампиони од Санкт Петербург во Париз, поради конфликтот меѓу Русија и Украина. УЕФА потврди дека од безбедносни причини е донесена ваквата одлука и дека финалистите во ЛШ ќе играат на „Стад де Франс“ во Сен Дени.

Европската куќа на фудбалот ваквата одлука ја донесе на итниот состанок одржан во петокот, поради ситуацијата во Украина.

Финалето ќе се игра на 28 мај 2022 година, а Франција имаше предност пред Англија и Лондон, бидејќи во опција беше и легендарниот „Вембли“.

– УЕФА сака да изрази благодарност до претседателот на Франција, Емануел Макрон, за неговата лична поддршка и посветеност Франција да го организира најпрестижниот натпревар на европскиот клупски фудбал – се вели во краткото соопштение.

Исто така донесена е одлука дека руските и украински клубови и репрезентации на меѓународната сцена своите домашни мечеви мора да ги играат на неутрален терен.

– Руските и украинските клубови и репрезентации кои се натпреваруваат во натпреварувањата на УЕФА ќе мора да ги играат своите натпревари како домаќини на неутрален терен до понатамошно известување – објави европската фудбалска куќа.

The 2021/22 UEFA Men’s Champions League final will move from Saint Petersburg to Stade de France in Saint-Denis.

The game will be played as initially scheduled on Saturday 28 May at 21:00 CET.

Full statement: ⬇️

— UEFA (@UEFA) February 25, 2022