Финска и Шведска чекор поблиску до НАТО: Потпишани пристапните протоколи

30 земји-членки потпишаа пристапни протоколи за двете нордиските земји Шведска и Финска.

И Финска и Шведска направија чекор поблиску до полноправно членство во НАТО, откако амбасадорите од сите 30 земји-членки на блокот предводен од САД ги потпишаа пристапните протоколи за двете нордиски земји.

Церемонијата се одржа во седиштето на алијансата во Брисел, каде што генералниот секретар на НАТО Јенс Столтенберг ги пречека финскиот министер за надворешни работи Пек Хавист и неговата шведска колешка Ана Линде.

По потпишувањето, протоколите ќе треба да бидат ратификувани од парламентите на сите земји-членки.

Финска и Шведска поднесоа барање за влез во НАТО претходно оваа година, откако и двајцата решија да ја прекинат својата долгогодишна традиција на неутралност за да се приклучат на организацијата, тврдејќи дека тоа е неопходно поради руската воена операција во Украина.

Додека повеќето членки на блокот веднаш ги поздравија двете нордиски земји во алијансата, нивните намери беа одложени од турскиот претседател Реџеп Таип Ердоган, кој ги обвини Шведска и Финска дека засолнуваат курдски милитанти и промовираат „тероризам“.

Анкара предупреди дека би можела да ги блокира кандидатурите на земјите да се приклучат на блокот, освен ако не ги осудат и екстрадираат членовите на „терористичките“ организации и не го укинат ембаргото за оружје за Турција.

Турција ја одобри понудата минатата недела, откако двете нордиски земји потпишаа договор од 10 точки во кој тие ветија дека ќе одговорат на барањата за екстрадиција, ќе ги отстранат извозните контроли и ќе ја прекинат поддршката за групите што Анкара ги смета за терористички.

Сепак, Ердоган предупреди дека би можел повторно да го блокира процесот доколку не се исполнат барањата на Анкара.

Share on Facebook

Tweet

Follow us

Save