INFOMAX.MK

Почитувани, ја информирам целата македонска јавност дена денес на 01.Април е точно еден месец откако порталот Република.мк објави дека Управниот суд на Република Македонија донел Решение во врска со мојата Тужба против мојата партија ВМРО-ДПМНЕ во врска со прекршувањата на Статутот на партијата во врска со избор на кандидат за претседател на Републиката поддржан од ВМРО-ДПМНЕ. Тврдејќи дека Тужбата е НЕДОЗВОЛЕНА, а тоа не значи дека е НЕОСНОВАНА.

Јас се уште чекам Управниот суд да го достави наводното Решение во врска со Тужбата до мене за да продолжи процесот.

Во меѓувреме испратив писмо до претседателот на Управниот суд господинот Бурум Сејдини кое во прилог Ви го презентирам како ОТВОРЕНО ПИСМО.

И се уште чекам на нашето судство и правдата во Македонија.

Додека не заврши судскиот процес во целост истиот е активен и тоа во конкретниот случај значи дека Статутот на ВМРО-ДПМНЕ е прекршен од страна на Мицкоски и тоа е поддржано од Силјановска.