INFOMAX.MK

Кумановската болница повеќе од 48 часа е без вода, дознава Инфомакс од извори од болницата. Дел од вработените и пациентите кои сакаа да останат анонимни, истакнаа дека не е можно да се одржува соодветна хигиена во болницата, ниту прописно да се подели храна, а дел од тешките случаи лежат во урина и измет бидејќи вработените немаат како да се погрижат за пациентите без вода.

Од кумановски „Водовод“ потврдија дека вода нема поради дефект.

– Почитувани, денес на ден 17.11.2024год. поради дефект на водоводен вод Ф350 на ул. 11Октомври (раскрсница со улицата која се вклучува од автопат Е-75), повисоките делови на ниска водоводна зона останаа без водоснабдување. Екипите на ЈП Водовод на терен извршија измена на стандарден режим на водоснабдување со контролиран дотур на вода од средна и висока водоводна зона, поради што водоснабдувањето се стабилизира, и во највисоките делови на ниска водоводна зона се очекува да се нормализира водоснабдувањето во тек на попладневните и вечерните часови. – соопштија од Водовод Куманово.

Во продолжение погледнете каква е состојбата во кујната во кумановската болница.

Како што велат пациентите, ниту во тоалетите нема вода, вработените не одат во ВЦ за да остават простор за пациентите, меѓу кои има и тешки случаи кои бараат посебна грижа.