INFOMAX.MK

Започнува изградбата на нова водоводна мрежа долга 1450 метри на ул. ,,Илија Ристевски” со краците во месноста Порупи во с. Драчево, информира градоначалникот на Општина Кисела Вода, Орце Ѓорѓиевски.

– Денес го промовираме овој проект, кој е шести од предвидените седум капитални проекти по повод роденденот на Кисела Вода.

Важноста на овој проект и неговата класификација како капитален, се огледува во фактот што постојната мрежа од која досега се снабдуваа жителите е стара повеќе од 60 години, односно е градена во време кога населеноста, а со тоа и потребите биле значително помали. Дополнително, големи проблеми се појавуваат поради притисокот што се јавува врз оваа водоводна мрежа бидејќи истата минува низ дворовите и куќите на жителите на оваа улица и краците што гравитираат кон неа.

До средината на август ќе заврши изведбата на новата водоводна линија долга 1450 метри со што населението ќе добие квалитетни и современи услови, какви што доликуваат на живеењето во 21 век.