Франција го прегази Исланд и е на чекор до полуфинале на ЕП

Ракометната репрезентација на Франција оствари уште еден триумф на Европското првенство (ЕП), откако денеска славеше против Исланд со 39-32 и е на чекор до полуфинале на шампионатот.
Исланд даде отпор само на почетокот на мечот, кога двапати го израмни резултатот (4-4), по што Франција го диктираше темпото на игра и на полувреме замина со 17-14, а до крајот на средбата ја зголеми разликата на седум голови (39-32).

Најефикасни во победничката екипа беа Ричардсон и Фабрегас со по шест голови, додека по исто толку постигна Кристијансон, Рикардсон и Видарсон за Исланд.

Франција е прва во групата 1 со шест бодови, по што следи Австраја со три, Унгарија и Германија со два, Хрватска има еден, а Исланд е без освоен бод.

Share on Facebook

Tweet

Follow us

Save