Франција официјално ја призна државата Палестина

Францускиот претседател Емануел Макрон официјално ја призна државата Палестина во име на Франција и „во согласност со нејзината посветеност кон мирот“.

Признавањето на палестинска држава „е во интерес“ на мирот и „е пораз за Хамас“, рече Макрон во Обединетите нации во Њујорк.

„Денес, Франција ја признава државата Палестина… за мир меѓу израелскиот и палестинскиот народ“, свечено изјави Макрон.

„Дојде време“, рече францускиот претседател во својот говор во Њујорк на конференцијата за решението со две држави, потврдувајќи дека е верен на историската посветеност на Франција кон Блискиот Исток.

„Затоа, ние носиме историска одговорност. Мора да направиме сè за да ја зачуваме самата можност за решение со две држави, во кое Израел и Палестина ќе живеат рамо до рамо во мир и безбедност“, додаде тој.

Share on Facebook

Tweet

Follow us

Save