Хаос во Загреб: Пожар опустоши детска градинка, за среќа децата се спасени

Денеска во Загреб избувнал пожар во градинка на улицата „Супилова“, кој го зафатил значителен дел од објектот. Инцидентот се случил кратко по тоа што наставничката ги предала последните деца на нивните родители, а за среќа, нема повредени.

Пожарот започнал од една од просториите, која била целосно уништена, вклучувајќи мебел и играчки. Пожарникарите брзо реагирале и го спречиле неговото ширење кон покривот. „Никој не беше загрозен, сите деца беа надвор кога стигнавме, и веднаш започнавме со гасење на пожарот“, изјавил Дамир Рештигорац од Јавната противпожарна служба на Загреб.

Извештаите кои се појавија во медиумите навеле дека пожарот е предизвикан од клима уреди, но воспитувачката ги демантираше тие тврденија. „Тоа не е вистина. Климатизерите не беа приклучени на електрична енергија. Пожарот избувнал од старите и неисправни електрични инсталации“, изјави таа.

Пожарот бил пријавен околу 16:55 часот, а пожарникарите успеале да го локализираат на време. Се очекува истрагата да открие точни околности кои довеле до пожарот.

Share on Facebook

Tweet

Follow us

Save