INFOMAX.MK

Двајца преживеани и двајца загинати е билансот од хеликоптерската несреќа што денеска се случи во западниот дел на Атика во Грција. Грчките медиуми јавуваат дека двајца од екипажите биле пронајдени живи и се пренесени во болница, а двајца биле без знаци на живот.

Според грчките медиуми, екипажите биле составени од двајца грчки и двајца странски државјани.

Хеликоптерите полетале од воената воздухопловна база Елефсина, во близина на Атина. Според последните информации, двајца се здобиле со полесни повредии и биле префрлени во 251-та Општа воздухопловна болница. Преживеаните се британски пилот и грчки офицер за врска, додека потврдените мртви се дански пилот и грчки офицер за врска.

Двата хеликоптери биле изнајмени од Противпожарната служба, секој со екипаж од два члена.

Четири амбулантни возила на EKAB (Национален центар за итна медицинска помош) и една мобилна единица биле испратени на местото на настанот.

Хеликоптерите се судрија во воздух при интервенција за гаснење на шумски пожар.