Хитлер Мусолини стана градоначалник во Перу

Хитлер Мусолини Симеон Флорес е избран за градоначалник на перуанскиот округ Керопалка, во регионот Уануко, откако на локалните избори победи со само 25 гласа разлика.

Четириесет и петгодишниот Флорес настапил како кандидат на централно-левичарската партија „Ахора Насион“ и освоил 229 гласа, односно 34,5 отсто од вкупно 663 важечки гласа.

Неговиот најблизок противкандидат, Гаспар Бенилде Осорио Самбрано од партијата „Народна обнова“, освоил 204 гласа или 30,8 отсто.

Керопалка е мал андски округ со нешто повеќе од 730 жители, според официјалните податоци од 2024 година.

Флорес не е првиот перуански политичар со необично име поврзано со историски личности. Во Перу претходно бил избран и политичар со име Хитлер Алба, кој бил градоначалник на Јунгар.

Името на новоизбраниот градоначалник привлече големо внимание во меѓународните медиуми, но засега нема индикации дека тоа е поврзано со неговата политичка идеологија.

Share on Facebook

Tweet

Follow us

Save