„Храбро за Македонија“ ја претстави програмата во Градско

Ова е денот кога се сеќаваме на големото дело на нашиот револуционер Гоце Делчев, кое остави неизбришлива трага во духот на македонскиот народ, рече пред граѓаните во Градско, Љупчо Ристовски, лидерот на ИНТЕГРА и носителот на листата во втората изборна единица на коалицијата „Храбро за Македонија“.

Ристовски упати порака и опомена до двата претседателски кандидати, Пендаровски и Силјановска-Давкова, но и до сите идни пратеници во македонскиот парламент. Тој побара да не си го продаваат образот и честа за 30 сребреници, побара да го заштита македонскиот идентитет и да не чепкаат во Уставот, како највисок правен акт.

Пораката до македонската јавност е внимавајте кому ќе го доверите својот глас во среда на 8-ми мај, размислете пред да заокружите, рече Ристовски. „Ние сакаме да ве повикаме во името на тие 53 проценти неопределени, но и на сите вас кои сте одлучиле да гласате, да го заокружите број 3 за да добиете бедем и бастион во македонскиот парламент, кој ќе се грижи и ќе го чува македонскиот национален интерес“, истакна претседателот на ИНТЕГРА и носителот на листата на коалицијата „Храбро за Македонија“, Ристовски.

Share on Facebook

Tweet

Follow us

Save