Цените на нафтата се доближуваат до 110 долари!

Цените на нафтата пораснаа за над 5% денес. Растот на цените следува откако Иран ги обнови нападите врз нафтените инсталации во Обединетите Арапски Емирати, предизвикувајќи загриженост за глобалната понуда.

Во истов време Израел и САД го нападнаа гасното поле Јужен Парс, кое Иран го дели со Катар, кое е најголемата позната резерва на гас во светот и обезбедува околу 70 проценти од домашното снабдување со природен гас во Иран

Фјучерсите за сурова нафта „Брент“ се искачија на 109 долари за барел, додека американската „WTI“ нафта достигна 98 долари за барел. Нападите врз терминалот во Фуџаира и нарушувањата во Ормускиот теснец – критична точка за околу 20% од светската трговија со нафта, ги натераа трговците да се подготвуваат за потенцијално долгорочно ограничување на понудата.

ОАЕ, третиот најголем производител во ОПЕК, ја намали продукцијата за повеќе од половина. Експертите предупредуваат дека дури и еден нов напад или поставена мина може дополнително да го зголеми ризикот за глобалниот пазар на енергенси.

Share on Facebook

Tweet

Follow us

Save