Цуцуловски: Како може историската комисија да е независна ако е формирана и финансиски зависна од Владата?

Во вчерашната изјава за медиуми по потпишувањето на Протоколот со Бугарија, министерот за надворешни работи, Бујар Османи неколку пати нагласи дека мешовитата историска комисија е независна во своето работење.

Професорот Љубомир Цуцуловски прашува како може Комисијата да биде независна ако истата е формирана и финансирана од Владата.

– “ЗАВИСНА НЕЗАВИСНОСТ.

Вчера, веднаш после потпишувањето на Протоколот со Бугарија, Бујар Османи објаснуваше дека Комисијата за историски и секакви други прашања (најчесто, заникаде прашања) ќе работела независно од политиката. Единствено не објасни како може некој независно да одлучува, ако тој некој е економски зависен, како што е Комисијата, формирана од Владата и финански зависна од Владата.”, пишува Цуцуловски на Фејсбук.

Share on Facebook

Tweet

Follow us

Save