Четврти различен став: Мицкоски конечно го „смисли“ референдумското прашање, сега се согласи со Пендаровски – Дали сте за ….
Претседателот на државата Стево Пендаровски пред неколку дена предложи доколку се одржи референдумот што го најавува опозицијата, тогаш референдумското прашање да гласи „Дали сакате да одите во ЕУ под вакви услови“.
Откако претседателот на ВМРО-ДПМНЕ, Христијан Мицкоски изјави дека е на иста бранова должина со претседателот на државата, Стево Пендаровски сега Мицкоски посочи дека се согласува со неговото предлог референдумско прашање.
-Што се однесува до референдумското прашање, отприлика консултациите со експертите и внатрепартиските консултации конвергираат кон тоа што и самиот претседател на државата го кажа, Стево Пендаровски. Многу блиску сме до таа содржина која и тој ја кажа во јавноста. Очекува дека доколку конвергира суштината на тоа референдумско прашање да излезе Пендаровски на референдумот, да гласа според своето убедување. Ќе гласа дали треба да продолжиме под овие услови на диктат или ќе продолжиме по поинакви услови, вели Мицкоски.
Претседателот на ВМРО-ДПМНЕ по четврт пат го промени својот став откако најави референдум. Најпрво во интервју во вестите на Сител истакна дека референдумот ќе биде за влез на Бугарите во Уставот. Потоа веќе наредниот ден најави дека референдумот ќе биде за измена на Францускиот предлог во еден член за потоа утредента да каже дека референдумот ќе се однесува на целиот француски предлог и билатералниот протокол со Бугарија.
Денес Мицкоски најавува референдум со прашање „Дали сте за членство во Европската Унија под овие услови“.
ПОВРЗАНИ ВЕСТИ
Зеленски го повика Вашингтон да ја одобри…
Во текот на минатата недела, Русија ја…
Тотален колапс: Луѓето со куфери имаат уште…
Луѓе со куфери, ранци и пластични кеси…
Ед Милибанд не ја исклучува можноста Велика…
Враќањето на Велика Британија во Европската Унија…
„Сејф сити“ во потрага по убиецот кај…
Истрагата за убиството на 38-годишниот маж кај…
Кривична за татко: Се обидел да го…
Надворешната канцеларија за криминалистички работи Делчево поднесе…