Чистка: Путин смени четворица заменици министри во одбрана

Промените продолжуваат во Министерството за одбрана на Русија. Рускиот лидер Владимир Путин разреши четворица заменици министри за одбрана: Николај Панков, Руслан Чаликов, Татјана Шевцова и Павел Попов. На нивно место беа поставени Леонид Горнин, Ана Цивиљева и Павел Фрадков.

„Министерот за одбрана на Руската Федерација, Андреј Белоусов, одржа средба со првиот заменик Руслан Чаликов, разрешен со Указ на претседателот на Руската Федерација, замениците Николај Панков, Павло Попов и Татјана Шевцов, при што им се заблагодари за нивната долгогодишна одговорна работа и им посака успех во нивната понатамошна работа“, соопшти Министерството за одбрана на Русија.
Првиот заменик министер за одбрана Леонид Горнин досега ја извршуваше функцијата заменик министер за финансии. На чело на фондот за поддршка на учесниците во специјалната воена операција „Бранител на татковината“ беше Ана Цивиљева, додека Павел Фрадков работеше во претседателската администрација.
Според новиот указ на претседателот на Русија, министерот за одбрана на Русија ќе има 12 заменици, во претходниот кабинет на Сергеј Шојгу имало 11.

Share on Facebook

Tweet

Follow us

Save