Шеста победа по ред за Нено и Милано – падна и Барселона!

Милано продолжи со одличната форма во Евролигата, односно ја запиша шестата победа по ред откако ја надигра Барселона со 94-81 во 15. коло од кошаркарската елита.

Барселона имаше подобар почеток на мечот и предност од 24-16 по првите 10 минути, меѓутоа Милано почна да ја топи негативата во втората четвртина, кога на паузата стигна до 40-43.

Италијанскиот тим беше фантастичен во третата четвртина, кога со неверојатна серија од 20-0 стигна до 76-60, по што домаќинот не успеа да ја врати неизвесноста до крајот на средбата.

Најефикасен беше Ледеј со 33 поени и четири скокови кај Милано, додека Пантер запиша 18 поени, шест скокови и четири асистенции за Барселона.

Македонскиот репрезентативец Ненад Димитријевиќ одигра 11 минути на паркетот, а притоа запиша пет поени и една асистенција.

Share on Facebook

Tweet

Follow us

Save