Шефот на македонската дипломатија го осуди убиството на косовскиот полицаец

Македонскиот министер за надворешни работи Бујар Османи најостро го осуди денешното пукање на сeверот на Косово во кое еден полицаец е убиен, а двајца се повредени.

„Најостро го осудувам убиството на полицаец во северниот дел на Косово. Моето срце е со неговото семејство и колегите. Целосна поддршка, сторителите на овој грозоморен чин да бидат изведени пред лицето на правдата. Актите на насилство нема да ја поткопаат стабилноста на Косово. Безбедноста на граѓаните на прво место“, напиша Османи.

Еден косовски полицаец е убиен, додека двајца се ранети во пукање денес наутро на подрачјето на Звечан, на северот на Косово, потврди косовската полиција денес.

Share on Facebook

Tweet

Follow us

Save