Шолц негира: Не е можна економска војна меѓу ЕУ и Кина

Германскиот канцелар Олаф Шолц негираше потенцијална трговска војна со Кина, наводно, предизвикана од ЕУ со нејзината истрага за субвенции за кинески електрични возила додека се залага за глобализирани пазари со еднакви услови за игра.

„Сакаме да ги продаваме нашите автомобили во Европа, во Северна Америка, во Јапонија, во Кина, во Африка, во Јужна Америка, насекаде. Но, тоа значи дека ние сме отворени и за набавка на автомобили од други земји за германскиот пазар. Во Кореја има германски автомобили, во Германија корејски. Што е проблемот?“, рече Шолц, а пренесе Блумберг.

Тој предупреди дека „протекционистичките мерки“ на ЕУ можат да и наштетат на домашната индустрија и рече дека е „очигледно“ дека нема да има трговска војна меѓу ЕУ и Кина.
Според агенцијата, Кина првично реагирала остро на најавата на претседателката на Европската комисија Урсула фон дер Лајен за истрагата за субвенционирање на 13 септември, нарекувајќи ја „гол акт на протекционизам“, што предизвика загриженост во ЕУ за потенцијална трговска војна.
За време на посетата на европскиот комесар за трговија Валдис Домбровскис на Пекинг минатата недела, владата на претседателот Си Џинпинг избегна реторика која може да ги загрози економските односи од 900 милијарди долари, додека потпретседателот Хе Лифенг се согласи да формира неколку работни групи, вклучително и оние за финансиски услуги и трговија. известува агенцијата.

Share on Facebook

Tweet

Follow us

Save