Шолц: Неприфатливо е Русија да ги диктира условите за мировен договор

Германскиот канцелар Олаф Шолц во Киев повтори дека би било неприфатливо Русија да и ги диктира на Украина условите за мировен договор, од кој двете земји, како што рече, се далеку.

„Русија мора да го знае тоа“, рече Шолц на заедничката прес-конференција со францускиот претседател Емануел Макрон, италијанскиот премиер Марио Драги и украинскиот лидер Володимир Зеленски, пренесува ТАС.

Како што рече германскиот канцелар, само Украина, нејзиниот претседател, парламентот и народот можат да ја дефинираат рамката на мировниот договор со Русија.

Тој оцени и дека Москва и Киев се „сè уште многу далеку“ од таков договор.

Францускиот претседател Емануел Макрон, германскиот канцелар Олаф Шолц и италијанскиот премиер Марио Драги пристигнаа претходно денеска со воз во Киев, на заедничко патување кое треба да ја нагласи нивната поддршка за Украина.

Share on Facebook

Tweet

Follow us

Save