Шолц одбива да испорача тешко оружје во Украина? Германија ја намалува испораката на минимум

Германската влада ја намали испораката на оружје за Украина „на минимум“, пишува весникот „Велт ам Зонтаг“, повикувајќи се на документите до кои имал пристап.

Станува збор за испораки на таканаречено лесно оружје, кои воопшто не се реализирани од крајот на март.

Медиумите наведуваат и дека германскиот канцелар Олаф Шолц сè уште одбива да испрати тешко оружје директно во Украина, иако ветил дека ќе испрати нова опрема во источноевропските земји во замена за старата советска, која украинските војници би можеле да ја користат без дополнителна обука.

Меѓутоа, за време на состанокот на меѓународно ниво, кој се одржа во базата Рамштајн, министерката за одбрана на Германија, Кристина Ламбрехт, вети дека нејзината земја ќе и испорача на Украина самоодни ракетни фрлачи „Гепард“.

Share on Facebook

Tweet

Follow us

Save