Шпанија нема да ја поддржи кандидатурата на Косово за членство во ЕУ: Не ја признаваме таа територија

Шпанскиот државен секретар за Европската унија, Паскал Наваро денеска изјави дека владата на таа земја нема да ја поддржи кандидатурата на Косово за членство во ЕУ, бидејќи не ја признава независноста на таа територија и затоа ќе гласа против секоја процедурална одлука и доделување кандидатски статус.

„Шпанија не ја признава независноста на Косово, затоа ќе гласа против каква било процедурална одлука и против доделување кандидатски статус на Косово“, изјави Наваро пред комисијата на ЕУ во Сенатот, пренесува порталот „нотимерика“.

Како што рече, треба да следи мислењето на Европската комисија, а потоа да се расправа во Советот за општи работи и конечно да се одлучи во Европскиот совет. „Владата нема да ја поддржи кандидатурата во сегашните околности и таа позиција не е променета“, рече Наваро, пренесе Танјуг.

Шпанија е една од петте земји на ЕУ, заедно со Грција, Кипар, Романија и Словачка, кои не ја признаваат независноста на Косово.

Share on Facebook

Tweet

Follow us

Save