Шрајкуваат француските дипломати

После одлуката на францускиот претседател, Емануел Макрон за изедначување на дипломатите од кариера со другите државни службеници, дипломатите реагираа со еднодневен штрајк.

Група од 500 француски дипломати минатата недела во авторски текст објавен во Монд истакнаа дека одлуката на Макрон води кон исчезнување на професионалната дипломатија во Франција, како и „самиот опстанок” на Министерството за надворешни работи.

Тие тврдат дека нивната работа бара специјализација и стручност која се стекнува со години на работен стаж ширум светот и дека во неа нема место за „аматери“.

Ова е втор штрајк на дипломатите во изминатите 20 години, а шефицата на француската дипломатија, Катрин Колона сè уште нема дадено коментар во врска со штрајкот.

Share on Facebook

Tweet

Follow us

Save