Што очекува Русија од состанокот со НАТО?

По разговорите со САД во Женева, руски дипломати одат во Брисел на разговори со НАТО. Според заменик-шефот на руската дипломатија, Александар Грушко, очекувањата не се големи, но се надеваат на конструктивен дијалог.

„Одиме таму со апсолутно реални очекувања и се надеваме дека сепак ќе биде сериозен, значаен разговор за клучните, фундаментални проблеми на европската безбедност“, им рече тој на новинарите. – Пренесува Спутник.

Според дипломатот, НАТО молчеше за тешкотиите долги години и ја сметаше позицијата на Москва како „изглед на недоверба кон мирољубивиот карактер на НАТО“.

Сè доаѓа во свое време и без претерување може да се каже дека доаѓа моментот на вистината во нашите односи со алијансата“, додаде Грушко.

Како што наведе, состанокот што ќе се одржи на 12 јануари во формат на Советот Русија-НАТО ќе биде неформален, без дневен ред, бидејќи во Брисел, во седиштето на Алијансата, нема руски претставник кој би подготвил таков состанок.

Грушко нагласи дека руската делегација ќе зборува за иницијативите на претседателот на Русија за безбедносните гаранции, за кои бил информиран генералниот секретар на НАТО, Јенс Столтенберг.

Share on Facebook

Tweet

Follow us

Save