Џонсон за одлуката на Путин:  Ова е мрачно навестување за тоа што следува

Британскиот премиер Борис Џонсон изјави дека одлуката на Путин е флагрантно прекршување на меѓународното право, како и на суверенитетот и интегритетот на Украина.   На прес-конференцијата што ја одржа за укинувањето на мерките против коронавирусот, британскиот премиер Борис Џонсон беше прашан од новинарите за признавањето на Доњецк и Луганск како независни држави од страна на Путин.

„Тоа е флагрантно кршење на меѓународното право и на суверенитетот и интегритетот на Украина. Тоа е отфрлање на договорот од Минск и многу мрачно навестување за она што следува“, рече Џонсон.

На самиот крај на денешното ТВ-обраќање, кое траеше повеќе од 40 минути, рускиот претседател Владимир Путин пред камерите потпиша одлука за признавање на Доњецк и Луганск како независни држави и рече дека тоа требало да го стори многу порано.

Share on Facebook

Tweet

Follow us

Save