19 годишно момче – мета на пукањето во скопски Чаир, се трага по осомничениот кој е познат на полицијата

19 годишник од скопската населба Чаир е повреден откако во него вчеравечер било пукано од возило. Со четири прострелни рани повреденото момче било пренесено во старата градска болница „Свети Наум Охридски“, од каде информираат дека е во стабилна здравствена состојба.

Од МВР велат дека во повредениот било пукано од возило „пасат“ и дека полицијата трага по сторителот.

Кои се причините за пукањето истражува и обвинителството, но неофицијално постојат повеќе сценарија. Според информации до кои дојде 24, можно е продолжение на претходна епизода на престрелки или нерасчистени должнички односи, а зачудува и фактот што пукањето се случило на фреквентна крстосница и во период кога имало густ сообраќај.

Инаку, ова е втор пат за еден месец млад човек да биде жртва, во септември исто така од пукање беше повредено уште едно младо момче.

Share on Facebook

Tweet

Follow us

Save