40 ДЕНА ЕКСТРАДИЦИСКИ ПРИТВОР ЗА ПАЛЕВСКИ: Осомничениот за двојното убиство останува во Баликесир!

На Љупчо Палевски, првоосомничен за убиствата на 14-годишната Вања Ѓорчевска на 27 ноември и на Панче Жежовски од Велес, во Турција му е одреден 40-дневен екстрадициски притвор.

„Амбасадата на Република Македонија во Анкара испрати допис до Министерството за правда во кој информира дека ни доставува добиена Нота од МНР на Република Турција, како одговор на Нотата доставена од Амбасадата на РМ во Анкара од 06.12.2023 година, со која информираат дека врз основа на дописот добиен од Канцеларијата на главниот јавен обвинител Баликесир, определен е екстрадициски притвор за Љупчо Палевски, во траење од 40 дена“, се наведува во соопштението од Министерството за правда .

Палевски е приведен во Турција по распишана потерница. Тој е првоосомничен за убиствата на 14-годишната Вања Ѓорчевска и велешанецот Панче Жежовски.

Share on Facebook

Tweet

Follow us

Save