Градоначалниците на СДСМ и ДУИ камен на камен не ставија откако се избрани
Од ВМРО-ДПМНЕ реагираат дека градоначалниците на СДСМ и ДУИ не направиле ништо по добивањето на мандатот на локалните избори.
Еве го партиското соопштение:
“Градоначалниците на ДУИ и СДСМ камен на камен немаат ставено. Поминаа локалните избори, поминаа и 100 дена, а градоначалниците од ДУИ и СДСМ ништо не работат.
Во Кичево градоначалникот на СДСМ и ДУИ ветуваше изградба на улицата Борис Кидриќ од болницата до обиколница Скопје-Охрид до крајот на 2021 –ва и ништо не направи. Си постави рок дека ќе ја заврши и улица „Ужичка“ до крајот на 2021-ва и како што поминаа изборите, така ја остави целата раскопана. Останаа нечепнати ниту проектите за изградба на патот кој ги поврзува селата Грешница и Длапкин Дол и реконструкцијата на градскиот плоштад, на кои после изборите нема никакви активности.
Во Крушево пак, градоначалникот Томе Христоски ветуваше брда и долини, ама по завршувањето на изборите до сега нема со прст мрднато. Не постави подземни контејнери, ниту пак набави камион за отпад , ниту има контејнери во населените места. Не е отпочната долгонајавуваната доградба на инфраструктурата и проширување на индустриската зона Опаленик. За жал, не е отпочнат ниту проектот за зафаќање на нови извори за водоснабдување на Крушево, како и проектот за Систем за далечинска контрола и мониторинг на потрошувачката на вода за пиење.
Дека нема никакви активности на градоначалниците на ДУИ и СДСМ пример е и општина Дебар. Таму ДУИ и СДСМ ветуваа паркинг во Горно Косоврасти и асфалтирање на пат во село Отишани. Ниту е почната изградба, ниту пак некој слушнал за некакви активности. И тоа што го почнаа го оставија на половина, како што е изградбата на локалниот пат од мостот на влезот до центарот на село Долно Косоврасти. Очигледно дека на СДСМ и ДУИ им беше битно да поминат изборите и после сите ветувања ги оставија само на хартија.
Ете така функционира мафијашката власт на ДУИ и СДСМ. Ветувањата им се лажни и остануваат само мртво слово на хартија.”
ПОВРЗАНИ ВЕСТИ
Ахмети: ВМРО-ДПМНЕ и СДСМ прават сѐ за…
Лидерот на партијата, Али Ахмети вели дека…
ВЛЕН: ДУИ да престане со закани кон…
Изјавите на Бујар Османи, Талат Џафери и…
Зајкова демантира дека оди во коалиција со…
Лидерката на ЛДП, Моника Зајкова демантира дека…
Макрадули: Во СДСМ во моментов владее клиентелизам,…
Јани Макрадули, поранешен висок функционер во СДСМ…
Мециновиќ: Левица може да ја замени СДСМ…
Левица може да ја замени СДСМ во…