Уапсениот за палењето на автомобилот на пратеникот од Прилеп, го искршил телефонот во полициска станица

Мажот кој вчера беше уапсен поради сомневања дека има поврзаност со опожарувањето на автомобилот на пратеникот на ВМРО-ДПМНЕ, Петар Ристески, доби осум дневен притвор. Тој во полициска станица не признал вина ниту дека знае нешто поврзано со случајот, дознава „А1он“. Но, во момент кога бил издаден налог за одземање и вештачење на неговиот мобилен телефон, тој го искршил пред полицајците, пренесува А1 ОН.

„Лицето е во притвор, но не за делото поради кое првично беше лишено од слобода. Тој е во притвор спречување на службено лице во вршење на службени дејствија. При распит во полициска станица го скршил телефонскиот уред кој требало да биде одземен за вештачење, со цел утврдување на комуникацијата која ја имал во изминатиот период“, велат од Обвинителството за „А1он“.

Извор: А1 ОН

Share on Facebook

Tweet

Follow us

Save