(Видео) Авион се урна во населено место: Стотици луѓе без струја

Мал патнички авион, најверојатно „Лирџет 35“, се урна во градот Ел Кахон во областа Сан Диего во Калифорнија.

Засега не е познат бројот на жртвите во оваа несреќа, а авионот при падот ги урна електричните кабли, оставајќи стотици жители на овој град без струја, пренесува Спутник.

Авионот се урнал во близина на раскрсницата на Пепер Драјв и улицата Норт Втора околу 19 часот по локално време и се запалил, јавуваат американските медиуми.

Канцеларијата на шерифот во Сан Диего соопшти дека авионот летал кон аеродромот Гилеспи Филд и дека истрагата е во тек, додека други детали за несреќата не се познати. Канцеларијата на шерифот ги предупреди луѓето да го избегнуваат местото на несреќата.

Share on Facebook

Tweet

Follow us

Save