INFOMAX.MK

Австралискиот министер за здравство Грег Хант се огласи и објасни зошто првиот светски рекет Новак Ѓоковиќ нема да биде дел од првиот Грен слем сезонава.

Конечната одлука стигна до Новак Ѓоковиќ и тој нема да може официјално да ја одбрани титулата на претстојниот Австралија опен. И покрај медицинското ослободување и документацијата што ја доставил, не добил дозвола.

Министерот за здравство на Австралија стави крај на барањето на српскиот тенисер.

Набрзо се појави на една локална телевизија, а неговите зборови ги пренесоа многу светски медиуми.

– Грег Хант потврди дека Новак не успеал да обезбеди доволно докази за да влезе во земјата и затоа ќе биде испратен дома – пишуваат медиумите.

На српскиот тенисер и официјално му е укината визата, но Новак има уште една шанса, неговите адвокати ќе поднесат жалба и ќе се обидат да ја побијат оваа одлука, но шансите за тоа се мали.

– Премиерот веќе нагласи дека Австралијците мора да покажат сертификати за вакцинација за да влезат во кафуле, ресторан, а камоли да влезат во земјата. Ако условите не се исполнети, тогаш сите други треба да се третираат исто. Тоа е тешка одлука, но повторувам дека сите мора да имаат ист третман – јасен е Хант.

“It’s one rule for all under this Australian government”

Health Minister @GregHuntMP confirms unvaccinated tennis star Novak Djokovic will be sent packing after his visa to enter the country was cancelled. pic.twitter.com/IF1Lo4U8ES

— Sunrise (@sunriseon7) January 5, 2022