Во Србија регистриран првиот случај на флурон

Директорката на Институтот за јавно здравје „Трамболина“, Верица Јовановиќ, изјави дека е регистриран првиот случај на флурон во Србија, односно истовремено присуство на вирус на грип и коронавирус кај едно лице.
Верица Јовановиќ гостувајќи во емисијата „Четврток во 9“, рече дека пред една недела кај едно лице е регистриран првиот случај на присуство на вирусот сарс-ков-2 и вирусот на грип.
„Многу е тешко да се разликува клиничката слика помеѓу ковид и манифестацијата на вирусот на грип. Тоа е треска, општа слабост, сите симптоми на респираторна инфекција. Карактеристично е што брзо поминува, како што е манифестацијата на сој омикрон што предизвикува инфекција со Ковид“, изјави Јовановиќ.
Таа посочи дека флуроните ќе се повторат, а Институтот Торлак за првпат годинава утврдува присуство на двата вируса на примероците што се доставуваат.

Share on Facebook

Tweet

Follow us

Save