Србија ги ограничи цените на горивата – Дополнително се намалуваат акцизите

Владата на Србија ја усвои Уредбата за ограничување на цените на нафтените деривати Еуродизел и Еуро премиум БМБ 95. Уредбата стапува на сила утре и ќе важи во следните 30 дена, до 11 април.

Одлуката е донесена со цел да се спречат поголеми нарушувања и да се зачува животниот стандард на населението, имајќи предвид дека во претходниот период имаше поскапување на нафтените деривати, соопшти Владата.

Со уредбата се утврдува максималната малопродажна цена и се обврзуваат стопанските субјекти кои вршат трговија со моторни и други горива на станиците за набавка на возила, а кои до донесувањето на Уредбата испорачувале деривати, да продолжат со испорака исклучиво со точење во резервоарите за гориво.

Предвидени се и условите и начинот на продажба на нафтените деривати на регистрирани земјоделски стопанства.
Членовите на Владата одлучија привремено да ги намалат акцизите за 20 отсто од сегашната сума на нафтените деривати – оловниот бензин, безоловен бензин и маслата за гас.

На денешната седница беше донесена изменета одлука за условите и начинот за намалување на царините на одредени стоки, односно за ослободување на одредени стоки за плаќање царина во 2022 година.
Одлуката за нафтата и маслата добиени од битуменозни минерали ќе важи до 31 декември годинава.

Share on Facebook

Tweet

Follow us

Save