Чавушоглу: Ние сме внимателни оптимисти – Очекувам нови преговори меѓу Русија и Украина
Турскиот министер за надворешни работи, Мевлут Чавушоглу денеска изјави дека и покрај тешката ситуација очекува нови преговори меѓу Русија и Украина во наредниот период, јави дописничката на МИА од Брисел.
Тој потсети дека пред неколку денови рускиот и украинскиот министер за надворешни работи се сретнаа во Анталија и дека постигнаа значаен напредок во преговорите, меѓутоа по снимките кои излегоа од Буча оваа недела ситуацијата е потешка.
– Имаме уште надеж и сме внимателни оптимисти, но истовремено сме реалисти, ова е тешко прашање, но мораме да продолжиме со напорите и Турција прави сѐ што може, рече шефот на турската дипломатијата.
Турција е единствена земја на НАТО која не воведе санкции против Русија и која има доволно кредибилитет да делува како медијатор меѓу двете страни.
– Очекуваме нови средби меѓу двата преговарачки тима и потоа можеби и помеѓу министрите за надворешни работи за да се иницира можен договор, двете страни исто ставија на знаење дека можеби и двајцата претседатели би можеле да се сретнат, изјави Чавушоглу попладнево пред почетокот на вонредниот министерски состанок за надворешни работи на НАТО посветен на Украина.
ПОВРЗАНИ ВЕСТИ
Полскиот министер за одбрана: Нема да испратиме…
Полска не се подготвува и нема да…
Италијанскиот министер за одбрана: Разговарајте со Путин!
Италијанскиот министер за одбрана Гидо Кросето денеска…
Руската разузнавачка служба: САД му бараат замена…
Соединетите Американски Држави ги интензивираа напорите да…
Лавров: Сакаат да ја скршат Србија затоа…
Рускиот министер за надворешни работи Сергеј Лавров…
Руската војска започнува со вежби за употреба…
Генералштабот на Русија ги започна подготовките за…