Целта е исполнета – Рускиот вицепремиер Новак: Неколку купувачи на природен гас се согласија да плаќаат во рубљи

Неколку купувачи на руски природен гас се согласија да се префрлат на плаќања во рубљи, изјави во петокот рускиот вицепремиер Александар Новак.

„Очекуваме одлуки и од други увозници“, додаде Новак во коментарите објавени во списанието на Министерството, без да го открие идентитетот на клиентите кои веќе се префрлиле на плаќања во рубља.

Вицепремиерот истакна дека земјите од ЕУ веројатно нема да можат целосно да ја заменат руската енергија во следните 5-10 години.

„Невозможно е да се зборува за гарантирање на енергетската безбедност на Европа без руски ресурси“, рече тој.

Рускиот претседател Владимир Путин во четвртокот изјави дека некои западни земји не плаќаат навреме за испорака на руска енергија. Минатиот месец Путин потпиша декрет со кој бара нова процедура за плаќање на рускиот гас од 1 април, за купувачите од непријателските земји. Мерката се однесува на земјите кои воведоа санкции кон Русија и ги замрзнаа нејзините девизни резерви.

Русија им наложи на клиентите кои работат во земји означени како „непријателски“ да отворат две сметки кај руската Газпромбанк, една во евра и една во рубљи. Плаќањето за гас ќе оди на сметката во евра, по што банката ќе ја промени во рубли. Државниот „Гаспром“ ќе смета дека плаќањата се извршени кога ќе стигнале рубљите.

Унгарскиот министер за надворешни работи Петер Сијарто оваа недела изјави дека земјата е подготвена да плати за рускиот гас во согласност со предложената шема. Сијарто додаде дека неговата земја не верува дека тоа го прекршува режимот на санкции на ЕУ.

Во петокот, министерот за економија на Ерменија, Вахан Керобјан, за рускиот РБЦ изјави дека Ереван извршил неколку плаќања за природен гас во рубли.

Share on Facebook

Tweet

Follow us

Save